[韓遊。食食食] 巨型海鮮鍋@淑家貝殼蒸鍋 숙이네조개전골

難得喺首爾聚頭所以都約一晚出嚟食好嘢同吹下水。

佢分大、中、細，我哋四個人怕大嘅食唔晒，所以要咗個中嘅。

一上檯真係好壯觀，有帶子、扇貝、大蜆、細蜆、大蝦、鮑魚，底層仲有青口同埋幾片魚糕。

但佢啲海鮮都係計重量，所以鮑魚同蝦數量未必一人一隻。

海鮮上檯時係生嘅會直接喺檯上面蒸，蒸緊會有煎蛋金菇菜同埋椰菜沙律食住先。

蒸好職員會幫忙剪開鮑魚、蝦之類嘅海鮮，之後就食得啦。

我哋每人仲叫咗一罐汽水最後都加咗麵條落去食，但我哋都覺得佢個鍋只有海鮮無其他肉，個味無LOLI咁濃。

四個女仔食加埋麵條都夠飽，未食過嘅都可以一試。

숙이네조개전골

消費: 45000 won (4人)
交通: 新村地鐵站2號出口 (步行5分鐘)