出發去韓國前喺網上見到有新貴賓室，所以今次就去呢度試下。
上次喺舊嗰邊人多又嘈，呢度只係需要行多幾步就靜晒。
有幾張大長檯又有自閉位，仲有USB叉電。
而我就最重要有咩食🤤
第一轉我拎咗魚蛋粉、長通粉、叉燒包、薄餅、炒雜菜、魚肉燒賣。
魚蛋粉就一貫好味，其他都可以。
第二轉拎咗淨魚蛋、炒豆角、萄國雞、南瓜、自製檸檬可樂，南瓜同萄國雞都好味。
但佢嘅食物無晒未必會出返同一款，所以想食又已經就快無就拎啦。
飲品方面就無舊嗰邊咁方便拎走，汽水、檸檬茶、水全部都係用杯自己斟。
對於我呢啲飲管都自己帶嘅偽環保人士嚟講就仲好。
呢邊就有專人斟生啤、沖咖啡、奶茶，我同朋友試咗凍咖啡同奶茶都可以。
一樣都有好好味芝士墨西哥脆片，仲添得好快。👍🏻
但係我今年入貴賓室個額已經用完，我哋要下年先再見啦👋🏻
留言
張貼留言