[韓遊。食食食] 即做窯烤Pizza@惠化石頭大叔 혜화돌쇠아저씨

好多年無再去惠化區，今次因爲喺呢區睇音樂劇所以就喺附近搵嘢食。

又係朋友上網搵嘅資料，呢間都係韓國人嘅熱門店，所以食飯時間要排隊係無可避免。

我哋喺室外排咗15分鐘左右。

之後入到室內再等多15分鐘左右，但有位坐有冷氣又可以睇下啲懷舊裝飾，仲可以見到人手整Pizza。

呢度無餐牌亦無食物圖，全部用韓文貼晒喺牆，一早搵咗資料決定咗食"朋友套餐"(相入面紅色框框嗰個)，套餐有泡菜炒飯、芝士辣炒年糕、藍芝士Pizza。

炒飯同年糕都好食，年糕入面仲有魚糕同埋拉麵但味道都幾辣。

而呢度最出名就係即製窯烤Pizza，上面勁多芝士而藍芝士偏咸，呢度好特別會提供糖漿點嚟食，加咗就即刻有驚喜超好食感覺無咁漏。👍🏻

最後佢會比一個碗仔裝雪糕只可以裝一次，味道普通但套餐包埋就無所謂啦。

혜화돌쇠아저씨

消費: 26300 won (3人)
交通: 惠化地鐵站1號出口 (步行2分鐘)